Инновацион технологиялар жарроҳлик соҳасида ҳам инқилобий ўзгаришларга сабаб бўляпти
Инновацион технологиялар жарроҳлик соҳасида ҳам инқилобий ўзгаришларга сабаб бўляпти. Натижада оғир хасталикларга чалинган беморлар ҳаётини сақлаб қолиш, умрини узайтириш имкониятлари кенгаймоқда.
Масалан, тирикликнинг энг муҳим ва бирламчи манбаи — нафас. Инсон ўпкаси бутун организмни ана шу бебаҳо неъмат — кислород билан таъминлайди. Аммо ушбу органда хирургик муолажаларни амалга ошириш ўта мураккаб жараён ҳисобланади.
Эндиликда юртимиз шифокорлари бу борада ҳам катта ютуқларга эришмоқда. Ўпка жарроҳлиги йўналишида ҳатто ҳудудлар кесимида ноёб операциялар ўтказиляпти.
Шундай амалиётлардан бири Тошкент туманидаги марказий шифохонада муваффақиятли бажарилди. Ушбу муассаса — давлатимиз раҳбари ташаббуси билан янгича тизим асосида фаолият олиб борган пилот лойиҳалардан бири.
Юқоридаги видеолавҳада мазкур шифо масканида амалга оширилаётган шу каби юқори технологик операциялар ҳақида сўз юритилади.
Соғлиқни сақлаш вазирлиги
Матбуот хизмати.
{$ noItemsMessage $}