Kataloniya parlamenti mustaqillik e’lon qildi
Kataloniya parlamenti 27-oktabr kuni mintaqa Ispaniyadan mustaqil bo‘lganini rasman tasdiqlaydigan rezolyutsiyani imzoladi. Bu haqda Euronws xabar bermoqda.
Ushbu hujjatni yoqlab 70 deputat ovoz berdi, o‘n kishi qarshi fikr bildirdi, ikki vakil ovoz berishdan tiyildi. 135 o‘rinli parlamentning qolgan a’zolari ovoz berishga boykot e’lon qildi.
Bundan bir kun muqaddam mintaqa rahbari Karles Puchdemon Madridning talabiga ko‘ra parlamentni tarqatib, navbatdan tashqari saylov o‘tkazishdan bosh tortgan edi.
Mustaqillik deklaratsiyasi qabul qilinishiga javoban federal hukumat mintaqada to‘g‘ridan-to‘g‘ri boshqaruv joriy etmoqchi. Mamlakat Senati 27-oktabr kuni tegishli rezolyutsiyani ma’qullashi kutilmoqda.
{$ noItemsMessage $}