Merengali limonli tart

Limonli krem va merangali tart – nordon ta’mli krem va mazali merengali ta’m tasvirlab bo’lmaydigan darajada pishadi.

Agar bunda tayyor xamirdan foydalanilsa, unda anchagina ish yengillashadi.

Kerakli masalliqlar:
“Mali” qumli xamiri – 1 o’ram

kurd uchun:
3 ta tuxum sarig’i
3 ta limon
sariyog’ – 70 gr
shakar – 50 gr

merenga uchun:
3 ta tuxum oqi
shakar – 160 gr

Tayyorlanilishi:

1. Xamirmi qadog’idan olamiz va xona haroratida yumshagunga qadar qoldiramiz.
2. Xamir yumshagunga qadar limonli kurdni qaynatib olamiz. Uni bir necha kun avval tayyorlab, sovutgichda saqlash ham mumkin.
3. Limonlarni po’stini qirg’ichning eng kichkina tishchasidan chiqarib olamiz.
4. Sharbatini siqib olamiz va dokaro’moldan chiqarib olamiz.
5. Qozonchani olovga qo’yamiz, ichiga shakar, limon sharbati, po’sti, tuxum sarig’i va umshagan sariyog’ni solamiz.
6. Past olovda muntazam aralashtirib, quyuqlashguniga qadar pishiramiz.
7. Qaynashning ilk alomatlari ko’ringanda olovdan olamiz.
8. Boshqa idishga quyib, sovutib olamiz.
9. Yumshoq xamirni 3-5 mm qalinlikda yoyib olamiz, qolipga solib chetlariga shakl beramiz.
10. Xamirni sanchiq bilan teshib chiqmiz, ustidan pergament qog’oz to’shab, ustidan “yuk” solamiz(loviya, no’xat)
11. 180 -190 С darajada qizdirilgan pechda 15 daqiqa davomida pishirib olamiz.
12.Merengani tayyorlab olamiz.
13. Shakar bilan tuxum oqi alohida idishga solinadi va aralashtirib olinadi.
Idishi bilan suv bug’iga qo’yiladi va shakar erigunga qadar aralashtirib turiladi.
Shakar erib, massa xiralashganda, mikser bilan ko’pirtirishni boshlaymiz.
14. Tuxum oqi quyuqlashishni boshlagach, ularni suv bug’idan olamiz, o’rtacha qattiqlikdagi ko’piklar hosil bo’lgunga qadar ko’pirtiramiz. Merenga tayyor
15. Pishgan korjga sovigan kurdni solamiz, ustidan merengani solib, 200 С darajada qizdirlgan gaz pechida merenga qizarishi uchun 10 daqiqa pishirib olamiz.