Аҳмадбой ва Раҳматбой
Маълум бўлишича, юртимиз киноижодкорлари «Аҳмадбой ва Раҳматбой» номли кинокомедияга қўл уришган. Ушбу фильм барчага машҳур ўша фирибгар Аҳмадбой воқеасидан ҳикоя қиладими? Ушбу саволга жавоб олиш учун киноижодкорларга мурожаат қилдик.
Фильм продюсери эса бу сирлигини, фильм ҳақиқаттан фирибгарлик ҳақида бўлиб, бунга фильмни кўргач мухлисларнинг ўзлари баҳо бериб, нима ҳақидалигини билиб олишади, дея жавоб бермоқда.
«Дилшоҳ медиа» кинокомпанияси буюртмаси билан режиссёрлар Журъат Сотиболдиев ҳамда Саидпўлат Ҳакимовлар томонидан суратга олинган мазкур супер кинокомедиянинг премьера куни маълум бўлди.
«Дилшоҳ медиа» кинокомпанияси раҳбари, фильм продюсери Маҳмуд Эркабоевнинг сўзларига кўра, фильмнинг суратга олиш ишлари қишнинг энг совуқ кунларида бошланган бўлиб, унинг премьера куни эса ёз фаслининг энг иссиқ кунларига тўғри келди. Фильм премьераси 13 июль куни Алишер Навоий номли киносаройда бўлиб ўтади.
Фильмда бош ролларни Муҳаммад Исо Абдулхайиров, Ғайрат Боймирзаев, Давлатбек Йўлдошев, Зуҳра Солиева ҳамда Зилола Аҳмадбековалар ижро қилишган.
«Аҳмадбой ва Раҳматбой» супер кинокомедиясини 14 июлдан юртимиз кинотеатрларида томоша қилишингиз мумкин.
Қуйида фильм трейлерини томоша қилишингиз мумкин.
{$ noItemsMessage $}