Солиқ имтиёзлари

Ўзбекистон Республикаси Президентининг “Ўзбекистон Республикасининг солиқ сиёсатини такомиллаштириш Концепцияси тўғрисида”ги Фармонига кўра 2019 йил 1 январдан бошлаб Сиз каби тадбиркорларга навбатдаги енгилликлар берилди. Унга кўра, меҳнатга ҳақ тўлаш фондига солиқ юки камайтирилди. Яъни, барча фуқаролар учун жисмоний шахслардан олинадиган даромад солиғининг ягона ставкаси 12 фоиз этиб ҳамда ходимларнинг шахсий жамғариб борадиган пенсия бадали 0,1 фоиз миқдорида белгиланди. Фуқароларнинг меҳнатга ҳақ тўлаш туридаги даромадларидан бюджетдан ташқари пенсия жамғармасига ушлаб қолинадиган суғурта бадаллари эса бекор қилинди.