Андижонда ҳақиқат борми ёхуд адолат излаётган аёл қисмати
Effect.uz ахборот агентлигига Андижон вилояти Жалақудуқ туманида яшовчи фуқаро Гавҳар Ҳамроқуловадан даҳшатли мурожаат келиб тушди. Мурожаат ўрганиш давомида шунга амин бўлдик-ки, Гавҳар опанинг туғишган акаси 2014 йил бехос вафот этади. Бу вақтда сингил Россиянинг Самара шаҳрида ишлаётган ва акаси холидан хабар ололмаётган эди.
Яъни Гавҳар опанинг акаси Каҳрамон Қурбонов бирдан тўшакка михланиб қолади ва орадан унча кўп вақт ўтмай вафот этади. Акасининг вафот этишидан шокка тушган Гавҳар Ҳамроқулова орадан бироз вақт ўтиб акаси Каҳрамон Қурбоновнинг иккинчи никоҳида бўлган собиқ турмуш ўртоғи М. Бакиевадан гумонланади. Аниқроғи, акасини ерга қўйган, жигаридан айрилган Ҳамроқуловага Тўйчиев деган кимса: «сени акангни ўз келининг Бакиева симоб орқали заҳарлаб ўлдирди» дея шубҳали сўзларни айтади.
Шундан сўнг Гавҳар Ҳамроқулова келинига бўлган шубҳа янада ортади ва акаси билан яшаётган вақтида ортирилган қизалоқ ҳам Каҳрамон Қурбоновники эмаслигини важ қилади. Ҳамроқуловага бу сўзларни ошкор қилишда ҳам Тўйчиевнинг айтганлари манба бўлиб хизмат қилади. Бу орада келин марҳум эрининг синглиси билан ундан қолган уйни талашаётган эди.
Тақдир тақозоси билан ўз хотини томонидан симоб ёрдамида қасддан ўлдирилганлиги гумон қилинган Қаҳрамон Қурбонов тириклик чоғида, «ўлигим олдига уни яқинлаштирмайлар» дея яшаётган уйини ўз синглисига васият қилиб ёзиб қолдиришга улгурган эди. Аммо келин қайнаопаси билан шу уйни талашиб анча-мунча жиққа мушт бўлиб, 3 йил судлашади.
Орада Тўйчиев гоҳ Бакиева билан гоҳ Ҳамроқулова билан ишқий муносабатда бўлгани ва Қаҳрамон Қурбонов симоб билан заҳарланиб вафот этгани ҳамда ўша идишдаги симобни ўртада талашилаётган уйдан топиб олиб, 3 йил давомида беркитиб юрганини иддао қилиб, турли хил гувоҳликлар бериб юради.
Харфтугур ўша симоб айтилганидек орадан 3 йил ўтиб, орган ходимларига тақдим этилади. Лекин симоб вилоят прокуратурасига олиб борилаётган вақтда «йўқолиб» қолади, кейин катталарнинг аралашиши билан қайтадан топилади.
Қаҳрамон аканинг жасади қабрдан очилиб экспертиза қилинганда, жасаднинг суяклари ҳаддан ташқари, қорайиб кетгани аниқланади. Экспертлар эса Қаҳрамон Қурбонов симоб билан эмас балки, саратон ҳасталиги натижасида вафот этганини айтишади.
Қанчадан-қанча ёвузликларга гувоҳ бўлган машъум уйни ундан тортиб олмоқчи бўлган Бакиевага Гавҳарой опа инсоф тилаб, уйда яшашига рухсат берди.
Лекин акасинининг турмуш ўртоғи томонидан ўлдирилганидан гумонланган аёлда ўзгача фикр уйғонди ва Бакиева устидан ҳақиқат излаб судга арз қилди, Тошкентда Президентнинг йўлигача чиқишга мажбур бўлди.
Effect.uz ахборот агентлиги ҳамда Dodasi TV Youtube канали юқоридаги ҳолатлар бўйича ўрганилган журналистик суриштирувни тез орада эътиборингизга ҳавола этади.
Батафсил: https://t.me/effectuzofficial
{$ noItemsMessage $}