Shakarli rogaliklar

Masalliqlar:
400 gramm un
10 gramm quruq xamirturush
70 millilitr sut
170 gramm Maselko «Derevenskoe» o‘simlik-sariyog’li yog’i
2 ta tuxum
bir chimdim tuz
200 gramm shakar
Qadam 1
Iliq sutga xamirturush, 1 choy qoshiq shakar soalmiz, aralashtirib, ustini sochiq bilan yopamiz.

Qadam 2
Tog’orachaga un va tuzni ham solamiz. Yog’ni qirg’ichdan chiqarib solamiz.

Qadam 3
Tuxumni chaqib, ko’pirtiramiz va yog’li aralashma ustidan solamiz. So’ng sut va xamirturushli aralashmani ham solamiz. Xamir qorib olamiz. Xamir yumshoq, lekin qo’lga yopishmaydigan bo’lishi kerak. Ustini pelyonka bilan yopib, 2,5 soatga sovutgichga olib qo’yamiz.

Qadam 4
Oshgan xamirni olib, 5-6 ta teng qismga bo’lamiz.

Qadam 5
Har bir xamirni xuddi yopgan non shaklidek yoyib chiqamiz.

Qadam 6
Stolga 3-4 osh qoshiq shakar sepamiz, xamirlarni hammasini aylanasi 20-23 santimetr kattalikda, 2-3 millimetr qalinlikda yoyib olamiz.

Qadam 7
Har bir aylana shaklli xamirlardan 10-12 ta segmentlar kesib chiqamiz. Qalin joyidan ingichka tomoniga qarab, xuddi ruletdek o’rab chiqamiz.

Qadam 8
Rogaliklarni pergament qog’oz to’shalgan patnisga terib, ustini yopamiz va 15 daqiqaga qoldiramiz.

Qadam 9

So’ng rogaliklarni 180 C darajada qizigan pechda 15 daqiqa davomida pishirib olamiz.