Musobaqaning final bosqichiga taklif etamiz

Sportning voleybol turi bo‘yicha Toshkent shahar IIBB boshlig‘i kubogi poytaxtimiz mahallalaridagi iqtidorli yoshlarni kashf etishda muhim omil bo‘la oldi. 15 fevraldan start olgan bahslar tobora qizg‘in pallaga yaqinlashmoqda.

Qizg‘in va murosasiz o‘tgan musobaqaning yarim finalida o‘g‘il bolalar jamoasi orasida g‘oliblikni qo‘lga kiritgan Mirzo Ulug‘bek tumanining Al-Farobiy mahallasi va Yangihayot tumanining Fayzli mahallasi jamoalari final bosqichida 1 va 2-o‘rin uchun o‘zaro kurash olib boradi. 3-o‘rinni esa Yunusobod tumanining Nurmakon mahallasi egalladi.

Qizlar jamoasi o‘rtasida Sergeli tumanining Yangi Sergeli mahallasi va Bektemir tumanining Mirishkor mahallasi birinchilik uchun o‘zaro kurash olib borishadi. 3-o‘rinni Yashnobod tumanining Ahmad Yassaviy jamoasi qo‘lga kiritdi.

Eslatib o‘tamiz, 1-o‘rin uchun jamoaning har bir vakiliga 7 million so‘mdan, 2-o‘rin uchun 5 million so‘mdan, 3-o‘rin uchun 3 million so‘mdan pul mukofoti va diplom beriladi.

Musobaqaning final bosqichi рoytaxtimizning Yunusobod tumani Turg‘unboyev ko‘chasidagi “Yunusobod” sport majmuasida 14 mart kuni soat 13.00 da boshlanadi. Final bosqichi qizg‘in sport o‘yini va shou dasturlari bilan davom etadi, unda xalqimiz sevgan sanʼatkorlar o‘zlarining chiqishlari bilan jamoalar va muxlislarni xushnud etadi.

Barcha sport ixlosmandlarini, shuningdek mahalla vakillarini o‘z jamoalarini qo‘llab-quvvatlash uchun ushbu final o‘yiniga taklif etamiz. Kirish mutlaqo bepul.

Мусобақанинг финал босқичига таклиф этамиз

Спортнинг волейбол тури бўйича Тошкент шаҳар ИИББ бошлиғи кубоги пойтахтимиз маҳаллаларидаги иқтидорли ёшларни кашф этишда муҳим омил бўла олди. 15 февралдан старт олган баҳслар тобора қизғин паллага яқинлашмоқда.

Қизғин ва муросасиз ўтган мусобақанинг ярим финалида ўғил болалар жамоаси орасида ғолибликни қўлга киритган Мирзо Улуғбек туманининг Ал-Фаробий маҳалласи вa Янгиҳаёт туманининг Файзли маҳалласи жамоалари финал босқичида 1 ва 2-ўрин учун ўзаро кураш олиб боради. 3-ўринни эса Юнусобод туманининг Нурмакон маҳалласи эгаллади.

Қизлар жамоаси ўртасида Сергели туманининг Янги Сергели маҳалласи ва Бектемир туманининг Миришкор маҳалласи биринчилик учун ўзаро кураш олиб боришади. 3-ўринни Яшнобод туманининг Аҳмад Яссавий жамоаси қўлга киритди.

Эслатиб ўтамиз, 1-ўрин учун жамоанинг ҳар бир вакилига 7 миллион сўмдан, 2-ўрин учун 5 миллион сўмдан, 3-ўрин учун 3 миллион сўмдан пул мукофоти ва диплом берилади.

Мусобақанинг финал босқичи пойтахтимизнинг Юнусобод тумани Турғунбоев кўчасидаги “Юнусобод” спорт мажмуасида 14 март куни соат 13.00 да бошланади. Финал босқичи қизғин спорт ўйини ва шоу дастурлари билан давом этади, унда халқимиз севган санъаткорлар ўзларининг чиқишлари билан жамоалар ва мухлисларни хушнуд этади.

Барча спорт ихлосмандларини, шунингдек маҳалла вакилларини ўз жамоаларини қўллаб-қувватлаш учун ушбу финал ўйинига таклиф этамиз. Кириш мутлақо бепул.