Meksikancha usulda pishirilgan tovuq
Masalliqlar:
500 gramm tovuq filesi
200 gramm konservalangan makkajo’xori
1 dona qizil sabzi
1 bosh piyoz
4 ta sarimsoqpiyoz tishchasi
2 ta pomidor
2 ta bulg’or qalampiri
yarim bog’ kashnich
ta’bga qarab tuz va murch
3 osh qoshiq o’simlik yog’i
1.Tovuq filesini pelyonkasidan tozalab, o’rtacha kattalikda to‘g’rab olamiz.
2.Pomidor, sabzi, bulg’ori va piyozni esa mayda to’rtburchak shaklda to‘g’raymiz.
3.Tovaga yog’ quyib qizdiramiz, so’ng piyozni solib, biroz qovurib olamiz. So’ng esa tovuqni solib, oqarguniga qadar, taxminan 5 daqiqa qovurib olamiz. Tuz va murch sepamiz.
4.Sabzini solib, 5 daqiqa dimlab pishiramiz. So’ng esa bulg’ori, makkajo’xori, pomidorlarni solib, yana 5 daqiqa davomida dimlab pishiramiz.
5.Oxirida esa to‘g’ralgan sarimsoqpiyoz va kashnichni solib, 5 daqiqaga tindirib qo’yamiz.
Yoqimli ishtaha!
{$ noItemsMessage $}