SAXOVAT SHOU – Farangiz Rejametova qatnashgan so‘nggi ko‘rsatuv

O‘zbekistonda xizmat ko‘rsatgan artist Fotima Rejametova oilasi og‘ir judolikka yuz tutdi. Aktrisaning qizi 25 yoshli Farangiz Rejametova (Jamolxonova) 2018-yil 20-iyul kuni avtohalokat sabab olamdan ko‘z yumdi.

Farangiz Rejametova (Jamolxonova) O‘zbekiston davlat jahon tillari universitetining Xalqaro jurnalistika fakultetini tamomlab, mustaqil ravishda jurnalistik faoliyatini olib borayotgan edi. U aktrisa sifatida ham tomoshabinlarga yaxshi tanish bo‘lgan. Farangizni ko‘pchilik “Oyijon” filmidagi roli orqali tanigan. U keyinchalik ham bir necha filmlar va teleseriallarda suratga tushgandi.

Farangiz Rejametova (Jamolxonova) vafotidan bir hafta avval, 13-iyul kuni “Sevimli” telekanalining “Saxovat shou” dasturida onasi Fotima Rejametova bilan ishtirok etdi. Suratga olish ishlari Samarqandda bo‘lgandi. Ushbu dastur Farangiz suratga tushgan eng so‘nggi ko‘rsatuv sifatida qoldi.

Bizni Telegramda ham kuzatib boring >>>https://t.me/PANORAMAUZ