Qaynatilgan kremli pechenyelar
Masalliqlar:
XAMIRIGA:
200 gramm margarin yoki sariyog’
80 gramm shakar upasi
bir chimdim tuz
1 dona tuxum sarig’i
270 gramm un
40 gramm makkajo’xori kraxmali
2-3 osh qoshiq muzdek suv
KREMIGA:
4 ta tuxum sarig’i
40 gramm makkajo’xori kraxmali
75 gramm shakar
500 millilitr sut
1 choy qoshiq vanil shakari
1.Xamirini tayyorlab olamiz
Unga kraxmalni solib, aralashtirib olamiz. Muzdek sariyog’ yoki margarinni qirg’ichdan chiqarib olamiz va qo’lda ishqalab, unsimon ko’rinishga keltiramiz.
2.Tuz, shakar, tuxum va muzdek suvni solib, xamir qorib olamiz.
3.Xamirni yelim xaltaga solib, 1 soatga sovutgichga olib qo’yamiz.
4.Qaynatma kremni tayyorlab olamiz
Tuxum sarig’i ustidan shakar va vanil shakarini solib, aralashtirib olamiz. So’ng kraxmalni solib, 100 millilitr sutni ham ustidan quyamiz. Aralashtiramiz.
5.Qolgan 400 millilitr sutni qaynash darajasiga keltirib olamiz va kraxmalli aralashmani oz-ozdan quyamiz.
6.Muntazam aralashtirib, past olovda quyulgunicha qaynatib pishiramiz.
7.Kremni boshqa idishga quyib, ustiga oziq-ovqat pelyonkasini tekizib yopamiz. Sovishi uchun salqin joyga olib qo’yamiz.
8.Pechenyelarni yasash
Xamirni sovutgichdan olib, 2-3 mm qalinlikda yoyib olamiz.
9.Ulardan yurakchasimon shakllar yasab chiqamiz va o’rtasiga oz-ozdan kremdan solamiz.
10.Ustidan boshqa kremsiz bir xamirni qo’yamiz va chetlarini sanchiq bilan yopishtirib chiqamiz.
11.200 C darajada qizigan pechda 13-15 daqiqa davomida pishirib olamiz.
12.Pechenyelarni sovutib, ustidan shakar upasi sepamiz.
Yoqimli ishtaha!
{$ noItemsMessage $}