Ideal darajadagi kartoshkali pyure

Masalliqlar:
1 kilo kartoshka
800 millilitr suv
10 gramm tuz
50-60 gramm sariyog’
150 millilitr sut
Qadam 1 Tugllandi
Kartoshkalarni po’stini archib, ikkiga bo’lib chiqamiz. Kichikroq kartoshkalarni bo’lish shart emas.

Tavsiya: Kartoshka qanchalik katta to‘g’ralsa, u qaynash jarayonida shunchalik kam kraxmal sarflaydi va pyure yopishqoq bo’lib pishishini oldini oladi.

Qadam 2 Tugllandi
Suvni qozonga quyib, gazga qo’yamiz. Qaynab chiqqanidan so’ng kartoshkalarni solamiz. Yana qayta qaynaganda tuz sepamiz.

Qadam 3 Tugllandi
Olovni pasaytirib, 20-25 daqiqa davomida pishirib olamiz. So’ng suvini to’kib tashlaymiz.

Qadam 4 Tugllandi
Kartoshkalar ustidan xona haroratidagi sariyog’ni solamiz va ezib maydalaymiz.

Muhim: pyureni hech qachon mikser yoki blenderda maydalamang. Aks holda momiq pyuredan cho’ziluvchan va shilimshiq aralashma hosil bo’ladi.

Qadam 5 Tugllandi
So’ng esa oz-ozdan iliq sut yoki suyuq qaymoq quyib, aralashtirib chiqamiz. To‘g’ralgan ko’katlar sepib, go’sht, kolbasa yoki o’zini dasturxonga tortamiz.

Yoqimli ishtaha!

Yangidan yangi retseptlarni bizdan kutib qoling va bizning telegram kanalimizga albatta a’zo bo’ling: t.me/zirauzuz