Sabzavotlar bilan pishirilgan tovuq oyoqchalari
Masalliqlar:
6 dona tovuq oyoqchalari
300 gramm pomidor cherry
300 gramm bulg’or qalampiri
100 gramm yangi yashil no’xat
200 gramm piyoz
2 choy qoshiq quritilgan qalampir (paprika)
ta’bga qarab tuz va murch
bir nechta shoxcha xohlagan ko’katlar
1 bosh sarimsoqpiyoz
2 osh qoshiq zaytun moyi
1.Piyozni qalinroq yarim halqa shaklda, bulg’or qalampirini esa uzunchoq shaklda to‘g’rab olamiz.
2.Tog’orachaga tovuq oyoqchalarini solamiz, tuz, murch, paprika sepib, zaytun yog’ini ham quyamiz. Aralashtirib, 15 daqiqa qoldiramiz.
3.Qolipni yog’lab, piyoz, bulg’or qalampiri va yashil no’xatni solamiz.
4.Ustidan tovuq oyoqchalari, pomidor va ko’katlarni terib, ozroq yog’ ham qo’shamiz.
5.Ustini folga qog’oz bilan yopib 30 daqiqa, so’ng folgani olib tashlab, yana 15 daqiqa davomida pishirib olamiz.
Yoqimli ishtaha!
{$ noItemsMessage $}