SCORPION – Filmning rasmiy treyleri (O‘zbek tilida) | 2018
Rejissor Muxlisa Azizovaning “Scorpion” filmi joriy yilning noyabr oyida Toshkentda tashkil etiladigan PROlogue Xalqaro kinofestivalining asosiy premyerasi boʻlishi kutilmoqda. Kartina dekabr oyining boshlarida katta ekranlarga chiqadi. Triller Toshkent, Buxoro, Sankt-Peterburg va Marokashda suratga olingan.
Film Oʻzbekiston Yoshlar ittifoqi, “Oʻzbekkino” MA, Oʻzbekiston Respublikasi Ichki ishlar vazirligi, Oʻzbekiston milliy teleradiokompaniyasi hamda Kinematografiyani rivojlantirish markazi tomonidan taqdim etilmoqda.
Yoshlar oʻrtasida xalqaro jinoyatchilikka qarshi kurashishga daʼvat etuvchi filmda Farhod Mahmudov, Karim Mirhodiyev, Yulduz Rajabova, Raʼno Shodiyeva kabi taniqli aktyorlar ishtirok etishdi. Shuningdek, rollarda mashhur turkiyalik aktyor Murat Yildirim va rossiyalik aktyor Vyacheslav Razbegayev ishtirok etdi.
Bosh rol ijrochilaridan biri Murat Yildirim oʻzbek tomoshabinlariga “Osiyo” filmidagi Demir roli orqali yaxshi tanish. Shuningdek, u “Buyuk yolgʻon”, “Boʻron”, “Muhabbat va jazo” singari turk seriallarida suratga tushgan.
Film ssenariy muallifi Bob Andervud (AQSH), kartina operatori Maks Tsui (Germaniya).
Ovoz ustida ishlash jarayoni “Mosfilm” kinokonserni mutaxassislari tomonidan amalga oshirildi. Rang-tasvir esa “Legenda 17”, “Dvijeniye vverx”, “Viking” kabi filmlarda ishlagan Moskvaning “Color Kitchen” kompaniyasi hamkorligida olib borildi.
Filmning ovoz dizayni ustida amerikalik ovoz rejissori Geri Burjua ishlagan. U «Человек, который спустился на лыжах с Эвереста» hujjatli filmi uchun Oskar mukofoti laureati boʻlgan.
Manba: fb.com/scorpionmovie/
Bizni Telegramda ham kuzatib boring >>>https://t.me/PANORAMAUZ
{$ noItemsMessage $}