Guriyacha xachapuri

550
zirauz
zirauz4411492

    Masalliqlar:
    5 gramm quruq xamirturush
    150 millilitr sut
    1 choy qoshiqdan tuz va shakar
    50 gramm margarin yoki sariyog’
    60 millilitr kefir
    350-400 gramm un
    1 dona tuxum
    ASOSIGA:
    300 gramm «suluguni» pishlog’i
    3 ta qaynatilgan tuxum
    surtish uchun 1 choy qoshiq suv va tuxum sarig’i
    1.Iliq sutga tuz, shakar va xamirturushni solib, aralashtirib olamiz.
    Ustini sochiq bilan yopib, 15 daqiqa iliq joyga olib qo’yamiz.

    2.Tog’orachaga eritilgan sariyog’, tuxum, kefirni va xamirturushli aralashmani solib, yaxshilab aralashtirib olamiz.

    3.Unni oz-ozdan solib, xamir qorib olamiz.

    Xamirni 5 daqiqadan ko’proq mushtlaymiz.

    4.So’ng xamirni ustini yopib, 1 soatga iliq joyga olib qo’yamiz.

    5.Pishloq va qaynatilgan tuxumni qirg’ichdan chiqarib, aralashtirib olamiz.

    6.Oshgan xamirni olib, 3-4 ta teng bo’lakka bo’lamiz.

    7.So’ng xamirlarni kattaligi 23-25 sm gacha yoyib olamiz.

    8.Teng yarmiha asosdan solib chiqamiz va ikkinchi yarmi bilan ustini yopib, chetlarini yopishtirib chiqamiz.

    9.Pergament qog’oz to’shalgan patnisga olamiz.

    10.Ustini yopib, 10 daqiqaga qoldiramiz.

    11.Keyin esa ustiga tuxum sarig’ini surtib, 180 C darajada qizigan pechda 25 daqiqa davomida pishirib olamiz.

    12.Pishgan xachapurilarga xohishga qarab ustidan sariyog’ surtamiz.
    Yoqimli ishtaha!

    Комментарии

    Для добавления комментариев необходимо авторизоваться.