Samarqand shahrida Kadastr agentligi rahbariyati ishtirokida sayyor qabul o‘tkazildi
Sayyor qabulga murojaatchilar o‘zlarining muammoli masalalari hamda qiziqtirgan savollari bilan ishtirok etishdi.
Murojaatlarning asosiy qismini:
- fuqarolar tomonidan uzoq yillardan buyon foydalanib kelayotgan uy-joy va bino-inshootlariga egalik huquqini belgilash;
- kadastr hujjatlarini rasmiylashtirish va davlat ro‘yxatidan o‘tkazish tartibi;
- kadastr sohasida ko‘rsatiladigan davlat xizmatlari uchun to‘lovlar miqdorlari;
- tadbirkorlik qilish maqsadida yer ajratish masalalari tashkil etdi.
Ushbu murojaatlarning aksariyat qismi Kadastr agentligi rahbariyati tomonidan joyida hal etildi. Shu bilan birga, qo‘shimcha o‘rganish hamda hujjatlar talab etiladigan murojaatlar bo‘yicha sohadagi mas’ullarga topshiriq va ko‘rsatmalar berildi va muddatlari belgilanib, ijrosi nazoratga olindi.
Ayrim murojaat mualliflariga tegishliligi yuzasidan huquqiy tushuntirish berildi hamda mas’ul bo‘lgan idoralarga yo‘naltirildi.
{$ noItemsMessage $}