Olxo’ri solib pishirilgan shokoladli pirog

Masalliqlar:
4 ta tuxum
220 gramm eritilgan qora shokolad
150 gramm un
2 osh qoshiq kakao kukuni
120 gramm shakar
150 gramm sariyog’
1 choy qoshiq qabartma
bir chimdim tuz
6-7 dona olxo’ri

Qadam 1
Tog’orachaga yumshoq sariyog’ va shakarni solamiz. Oqarguniga qadar mikserda yaxshilab ko’pirtirib olamiz.

Qadam 2
Bittadan tuxum solib, har birini solgandan so’ng yaxshilab ko’piritiramiz.

Qadam 3
Ustidan mikroto’lqinli pech yoki suv bug’ida eritilgan shokoladni solamiz va aralashtiramiz.

Qadam 4
Shuningdek kakao va tuzni ham solib, aralashtiramiz.

Qadam 5
Un bilan qabartmani ham elab solamiz va yaxshilab aralashtirib olamiz.

Qadam 6
Aylanasi 21 sm kattalikda bo’lgan qolipga sariyog’ surtib, xamirni quyamiz. Ustini tekislab, ikkiga bo’lingan olxo’rilarni terib chiqamiz.

Qadam 7

180 C darajada qizigan pechda 45-50 daqiqa davomida pishirib olamiz.

Yoqimli ishtaha!