Beze bilan pishirilgan olmali pirog
Masalliqlar:
XAMIRIGA:
100 gramm maselkadan «Konditer premium» margarini
70 gramm 20% yog’li smetana
170 gramm un
1 choy qoshiq qabartma
bir chimdim tuz
ASOSIGA:
150 gramm sariyog’
150 gramm shakar
2 osh qoshiq makkajo’xori kraxmali
350 gramm olma
1 choy qoshiq vanil shakari
3 ta tuxum oqi
4 osh qoshiq shakar upasi
Qadam 1 Tugllandi
1.Smetana, yumshoq sariyog’ va bir chimdim tuzni bitta idishga solamiz.
Un bilan qabartmani elab solamiz va yumshoqina xamir qorib olamiz.
2.Qolipga pergament qog’oz to’shab, xamirni yoyib olamiz. Chetlarini esa xamir o’rtasiga qaraganda balandroq qilamiz. Qolip aylanasi 22 sm bo’lsa maqsadga muvoqfiq bo’lar edi.
3.Olmalarni yuvib, po’stini archamiz. Xohlagan shaklda to‘g’rab, yoyilgan xamir ustidan solamiz. Ustidan limon sharbatini siqib sepamiz.
Olma o’rniga olcha yoki nokdan ham ishlatish mumkin.
4.Sariyog’, shakar va vanil shakarini qozonchaga solamiz. Gazni yoqib, to’liq eriguniga qadar kovlab turamiz.
So’ng kraxmalni solib, aralashtiramiz va gazdan olamiz.
5.Qaynoq qiyomni olmalarning ustidan quyamiz.
6.Va 180 C darajada qizigan pechda 20-25 daqiqa davomida pishirib olamiz.
U pishguniga qadar tuxum oqi va shakar upasini yaxshilab ko’pirtirib olamiz.
7.Gaz haroratini 150 C ga pasaytiramiz. Pirogni gazdan olib, ustidan merengani solib, ustini tekislaymiz.
So’ng yan pechga yuborib, 20 daqiqa davomida pishirib olamiz.
8.Pishgan pirogni sovutib, so’ng qolipidan ajratamiz. Bir necha soat yoki bir kechaga sovutgichga olib qo’yamiz.
Yoqimli ishtaha!
{$ noItemsMessage $}