Nonushtabop mazali galetalar
Bugun sizlarga nonushtaga tayyorlasa bo’ladigan juda mazali galetalar retseptini taqdim etamiz!
Tavsiya:agar xamir va asosni bir kecha oldin tayyorlab qo’ysak, ishimiz anchagina yengillashadi!
Kerakli masalliqlar:
Xamiriga:
un – 175 gr
suv – 4-5 osh q.
ta’bga qarab tuz
sariyog’ – 75 gr
ustiga surtish uchun tuxum sarig’i
Asosiga:
shampinyon – 150 gr
vetchina yoki kurka go’shti – 75 gr
piyoz – 1 bosh
10-20% li qaymoq– 50 ml
tuxum 2-3 dona
ta’bga qarab tuz
ta’bga qarab murch
Tayyorlanilishi:
Un, tuz va muzdek sariyog’ni qo’lda yaxshilab ishqalab, kukunsimon shaklga keltiramiz.
Muzdek suv quyamiz (4-5 osh q.) va tezda xamir qorib olamiz. 20-30 daqiqaga sovutgichga olib qo’yamiz.
Asosiga. Piyozni yarim halqa, vetchinani somoncha, qo’ziqorinni yuvib o’rtacha kattalikda to‘g’rab olamiz.
Avval pyozni biroz qizartirib qovurib olamiz.
So’ng vetchina va qo’ziqorinni solamiz. 5-7 daqiqa davomida qovurib olamiz.
Oxirida qaymoqdan quyib, tuz va murch sepamiz. Gazdan olib, sovutib olamiz.
Xamirni sovutgichdan olib, 2-3 bo’lakka bo’lamiz.
Stol ustiga un sepib, xamirlarni 0.5 sm qalinlikda yoyib olamiz.
Galetalar o’rtasiga asosdan solib chiqamiz.
Galetalarning chetlarini buklaymiz, ustiga tuxum sarig’idan surtib, pergament qog’oz ustiga terib chiqamiz.
Oldindan 180°С darajada qizdirilgan gaz pechida 5-7 daqiqa davomida pishirib olamiz.
So’ng galetalarni pechdan olib, har birining ustidan bittadan tuxum chaqib solamiz. Tuz va murch sepib, pechda yana 10-12 daqiqa davomida pishirib olamiz!
Pishgan galetalarni darhol dasturxonga tortamiz.
Yoqimli ishtaha!
{$ noItemsMessage $}