Qatlami xamirdan qilingan tovuq va qo’ziqorinli somsalar

142
zirauz
zirauz4411492

    Masalliqlar:
    XAMIRIGA:
    1 kilo un
    430 millilitr suv
    30 gramm tuz
    1 dona tuxum
    150-200 gramm margarin
    QIYMASIGA:
    800 gramm tovuq filesi
    200 gramm pomidor
    600 gramm shampinyon
    400 gramm piyoz
    ta’bga qarab tuz va murch
    ustiga surtish uchun tuxum sarig’i
    Xamir qorib olamiz
    Unni elab olamiz va ustidan suv, tuz, tuxumni solamiz. Qattiqroq xamir qorib olamiz. So’ng yelim xaltaga solib, tindirib qo’yamiz.
    Qadam 1
    Har 15 daqiqada xamirni 3 marotaba mushtlab olamiz. Xamirni 2 ga bo’lamiz.

    Qadam 2
    Qiymasini tayyorlab olamiz
    Tovuq go’shti, piyoz, qo’ziqorin va pomidorni mayda to’rtburchak qilib to‘g’raymiz. Tuz va murch sepib, aralashtirib olamiz. Sovutgichga olib qo’yamiz.

    Qadam 3
    Xamirni yupqa, taxminan 2 mm qilib yoyib olamiz. Qatlamali pishiriqlarga mo’ljallangan margarinimizni eritib, yoygan xamirning ustiga surtib chiqamiz. So’ng xamirni ruletga o’xshab o’rab chiqamiz.

    Biroz tinishi uchun sovutgichga olib qo’yamiz.

    Qadam 4
    15 daqiqadan so’ng xamirni olib, pichoq yordamida xamirlarni 5-6 sm qalinlikda, taxminan 30 grammdan qilib kesib chiqamiz.

    Qadam 5
    Har bir xamir bo’lakchalari taxminan 3-4 mm qalinlikda, aylanasini esa 10 sm kattalikda yoyiladi.

    Qadam 6
    Barchasini yoyib bo’lganingizdan so’ng qiymani taqsimlaysiz. Taxminan 1.5 osh qoshiqdan to‘g’ri keladi.

    Somsalarga har kim o’z xohishicha shakl berishi mumkin. Bizlar uchburchak shaklda pishirishga qaror qildik.

    Qadam 7
    Patnisga pergament qog’oz to’shab, ustidan somsalarni terib chiqamiz.

    Somsalarni ustiga tuxum sarig’i surtib chiqamiz va kunjut sepib bezatamiz.

    Qadam 8

    So’ng 180 C darajada qizdirilgan gaz pechida tillarangga kirgunicha, taxminan 35-40 daqiqa pishirib olamiz va ajoyib ta’mdan rohatlanamiz.

    Yoqimli ishtaha!

    Yanada ko’proq retseptlar — https://zira.uz da

    Facebook: https://www.fb.com/zirauz
    Instagram: https://www.instagram.com/zirauz/
    O’zbek tilidagi telegram: https://t.me/zirauzuz
    Rus tilidagi telegram: https://t.me/zirauz
    Telegramdagi guruh: https://t.me/zirauz_chat
    Tahririyat raqami: (+99899) 837−15−15
    Reklama bo’limi raqami: (+99878) 148−14−15

    Комментарии

    Для добавления комментариев необходимо авторизоваться.