Pechda pishirilgan tovuqli ruletlar
Masalliqlar:
2 ta tovuq filesi
1 ta limon
2 osh qoshiq soya qaylasi
1/2 choy qoshiq quritilgan rayhon
1/4 choy qoshiq quritilgan qalampir (paprika)
1/4 choy qoshiq quritilgan rozmarin
1 osh qoshiq zaytun moyi
1 choy qoshiq asal
2 ta sarimsoqpiyoz tishchasi
1/2 bog’ shivit yoki kashnich
200 gramm tvorogli pishloq
1 ta qizil sabzi
3-4 ta yashil rayhon yaproqchalari
ta’bga qarab tuz va murch
50 gramm quritilgan pomidor
Qadam 1
Tovuq filesini ko’ndalangiga kesib chiqamiz.
Qadam 2
Marinadini tayyorlab olamiz: idishga bitta limon sharbati, soya qaylasi, asal, tuz, ziravorlar va zaytun yog’ini solamiz. Aralashtirib olamiz.
Qadam 3
Maydalangan sarimsoqpiyozni solib, silliq holatga kirgunicha aralashtirib olamiz.
Qadam 4
Tovuq filesini qolipga solamiz, ustidan marinad quyib, 2 soatga sovutgichga olib qo’yamiz.
Qadam 5
Ruletlarning asosini tayyorlab olamiz. Buning uhcun tvorogli pishloqqa maydalangan ko’katlardan solib, aralashtirib olamiz.
Qadam 6
Filelarning ustidan tvorogli pishloqni surtib chiqamiz. Bir bo’lakdan quritilgan pomidordan solib, ruletsimon shaklda o’rab chiqamiz.
Qadam 7
Qolipga solib, ustidan qolgan marinadni ham quyamiz. Sabzini bo’laklarga bo’lib, tovuq go’shti ustidan sepamiz. Bir nechta rayhon yaproqchalaridan ham solamiz. 190 C darajada qizigan pechda 40-45 daqiqa davomida pishirib olamiz.
Qadam 8
Xohishga qarab sevimli garnirlarimiz bilan birga dasturxonga tortamiz.
Yoqimli ishtaha!
{$ noItemsMessage $}