Go’shtli teshik kulchalar
XAMIRIGA:
300 millilitr sut
50 gramm margarin yoki sariyog’
1 choy qoshiq tuz
2 choy qoshiq shakar
500-550 gramm un
8 gramm quruq xamirturush
ustiga surtish uchun tuxum
ustiga sepish uchun kunjut
QIYMASIGA:
500 gramm qiyma
100 gramm piyoz
100 gramm bulg’or qalampiri
ta’bga qarab xohlagan ko’katlar
ta’bga qarab tuz va murch
qovurish uchun o’simlik yog’i
Qadam 1
50 millilitr iliq sutga xamirturush va shakarni solamiz. Aralashtirib, 15 daqiqaga qoldiramiz.
Qadam 2
Tog’orachaga unni elab solamiz. O’rtasini chuqurcha qilib, ichiga sut, opara, tuz, eritilgan sariyog’ni solamiz. Xamir qorib olamiz.
Qadam 3
Xamir ustini yelim xalta bilan yopib, 1 soatga iliq joyga olib qo’yamiz.
Qadam 4
Qiymasini tayyorlab olamiz:
Tovaga o’simlik yog’ini quyib, qiymani solamiz va sui bug’lanib ketguniga qadar qovurib olamiz.
Qadam 5
So’ng mayda to‘g’ralgan piyoz va bulg’or qalampirini solib, 5-7 daqiqa davomida dimlab pishiramiz. so’ng tuz va murch sepib, gazdan olamiz.
Qadam 6
Oshgan xamirni olib, teng uchga bo’lamiz.
Qadam 7
Xamirlarni 5 mm qalinlikda, to’rtburchak shaklda yoyib olamiz va 5-6 sm qalinlikdagi uzun lentalar kesib chiqamiz.
Qadam 8
Ikkita uchida bo’sh joy qoldirib, so’ng qiymalarni solib chiqamiz.
Qadam 9
Ikkita xamir tomonini yopishtirib, uzun naychalar hosil qilib chiqamiz.
Qadam 10
Naychalarni ikkita uchini bir-birining ichiga tiqib, teshik kulchalar shaklini beramiz.
Qadam 11
Kulchalarni patnisga terib chiqamiz.
Qadam 12
Ustini sochiq bilan yopib, 15 daqiqaga qoldiramiz.
Qadam 13
Tingan kulchalarni ustidan ko’pirtirilgan tuxum surtib, kunjut sepamiz.
Qadam 14
185 C darajada qizigan pechda 25 daqiqa davomida pishirib olamiz.
Kulchalarini issiqligida dasturxonga tortamiz.
Yoqimli ishtaha!
{$ noItemsMessage $}