Uyda tayyorlanilgan qatlama xamirdan qilingan ko’k somsa

XAMIRIGA:
800 gramm un
250-300 millilitr iliq suv
2 choy qoshiq tuz
20 millilitr o’simlik yog’i
400 gramm qatlamali xamirga mo’ljallangan margarin
ASOSIGA:
200 gramm dumba yog’i
2-3 bog’ ismaloq
2 bog’ jag‘-jag’
2 bog’ mator ko’kati
3-4 ta piyoz
1-2 choy qoshiq zira
ta’bga qarab tuz va murch
ustiga surtish uchun sut+tuxum sarig’i
ustiga sepish uchun kunjut
1.Iliq suvga tuzni solib, aralashtirib olamiz.
Idishga un, tuzli suv solamiz va xamir qoramiz.
Xamirni yaxshilab mushtlaymiz va ustini yopib 30 daqiqaga tindirib qo’yamiz.
2.Xamirni yoyish qulay kechishi uchun uchta teng bo’lakka bo’lamiz.
Ustidan ozroq o’simlik yog’i surtib, ustini yelim xalta bilan yop[amiz va 30 daqiqaga xona haroratida tindirib qo’yamiz.
3.Uzun o’qlov yordamida xamirlarning birini yupqa, taxminan 1-2 mm qalinlikda yoyib olamiz.
Yopishib qolmasligi uchun har zamon oz-ozdan un sepamiz.
4.Margarinni mikroto’lqinli pechda yoki suv bug’ida eritib olamiz.
Yoyilgan xamirga margarindan surtib, xamirni o’qlovning o’ziga o’rab chiqamiz. Qolgan xamirlarni ham xuddi shunday holatda, ustma-ust o’rab chiqamiz.O’qlovga o’ralgan xamirni 15-20 daqiqaga tindirib qo’yamiz.
5.O’tkir pichoq yordamida xamirni uzunasiga kesib olamiz va o’qlovdan ajratamiz.
6.Xamirdan bir xil kattalikdagi bo’lakchalar kesib chiqamiz va ularni 3-4 mm qalinlikda yoyib chiqamiz.
7.Har bir xamir bo’lagiga 1-2 osh qoshiqdan asosdan solib chiqamiz. Qarama qarshi tomonlarini bir-biriga yopishtirib, to’rtburchak shaklga keltiramiz.
8.Pergament qog’oz to’shalgan patnisga teramiz.
9.Somsalarning ustidan tuxum sarig’i surtib, sedana sepib bezatamiz.
10.200 C darajada qizdirilgan gaz pechining konveksiya rejimida 35-40 daqiqa davomida pishirib olamiz.
Yoqimli ishtaha!