Obid Asomovning ’’Ada emas, dada‘‘ filmi premyerasidan video lavha
«Ada emas, dada» filmi haqida
24 sentyabr kuni Alisher Navoiy nomli kino saroyida yetti yillik tanaffusdan so‘ng katta ekran yuzini ko‘rgan «Ada emas, dada» filmining premyerasi bo‘lib o‘tdi. Bu haqda ’’MyDay.uz‘‘ nashri xabar bermoqda.
Bosh rollarni Obid Asomov, Fotima Rejametova va Tohir Sodiqov ijro qilgan.
Film rejissyori: «9 oy», «Sevgi fazosi», «Shabnam», «Janob hechkim», «Begonalar», «Bevalar», «Ro‘yo» filmlari bilan kino olamida o‘z o‘rnini mustahkam egallagan Mirmaqsud Oxunov.
Operator: Rustam Murodov
Bastakor: Doniyor Agzamov
Ssenariy muallifi: Madina Mo‘minova.
Film musiqali komediya janrida suratga olingan bo‘lib, undagi saundtreklarni Tohir Sodiqov, Rashid Holiqov, Rayxon, Manzura, Munisa Rizayeva, Nilufar Usmonova, Davron Ergashev, Jahongir Poziljonov va marhum xonanda Mo‘min Oripov, Ziyoda, Ulug‘bek Rahmatullayev, Otabek Mutalxo‘jayev hamda Oybek va Nigora ijro etishgan.
Film premyerasida O‘zbekiston xalq artisti Murod Rajabov, O‘zbekistonda xizmat ko‘rsatgan artistlar Obid Asamov, Abduraim Abduvahobov, Fotima Rejemetova, Saida Rametova, Tohir Saidov, aktyor Muhammadiso Abdulxayirov, Dilfuza Ismoilova, Aziz Rametov, Ahad Qayum, Dilmurod Masayidov, Dilshodbek Kattabekov, «Dizayn» guruhi a’zosi Abdurahmon Mavlonov, Halimaxonim, xonanda Sherzodbek, Davron Ergashev singari o‘zbek shou-biznes olamining eng yorqin vakillarini ko‘rish mumkin bo‘ldi.
«Ada emas, dada» filmi 2000 yilda yaratilgan «Tohir va Zuhra – yangi talqin» musiqali komediya filmining mantiqiy davomi hisoblanadi. Tohir va Zuhrada otasi, o‘g‘lini uylantirgan bo‘lsa, filmning davomida o‘g‘il otasini uylantirish payiga tushib qoladi. Voqealar rivojiga boy filmni tomoshabin 25 sentyabrdan yurtimiz kinoteatrlarida ko‘rishlari mumkin.
{$ noItemsMessage $}