Yoshlar bilan uchrashuv
Davlatimiz rahbari tomonidan yoshlar bilan ishlash tizimiga doimiy ravishda eʼtibor qaratib kelinmoqda, zero yoshlar davlat kelajagidir.
Vazirlar Mahkamasining “Uyushmagan yoshlar orasida huquqbuzarliklarni oldini olish va jinoyatchilikka qarshi kurashish ishlarini yagona yondashuv asosida tashkil etish chora-tadbirlari to‘g‘risida”gi 2023 yil 13 sentyabr kunidagi 468-sonli Qarori asosida yoshlarning muammolarini o‘rganish va amaliy yordam ko‘rsatish masalalari asosiy vazifa qilib belgilangan.
Ushbu vazifalarni sifatli amalga oshirish maqsadida har bir sektor rahbarlariga tumanda yashayotgan uyushmagan yoshlar biriktirilgan.
Xususan, Yakkasaroy tumani 3-sektor rahbariga tumanda istiqomat qiluvchi 29 nafar yoshlar biriktirilgan bo‘lib, ular bilan manzilli ishlar amalga oshirilmoqda.
Kuni kecha Yakkasaroy tumani IIO FMB boshlig‘i podpolkovnik Alisher Murodov, tuman prokurori Bekzod Shamsiyev va boshqa mutasaddilar tumandagi yoshlar bilan uchrashuv o‘tkazdi. Murojaat qilgan yoshlarning muammosi ijobiy hal etildi.
Misol uchun, 1996 yilda tug‘ilgan nogironligi bo‘lgan A.Tatyana, shuningdek 2006 yilda tug‘ilgan A.Abdug‘anining onalari sektor rahbariga murojaat qilib, farzandlari davolanishi uchun dori-darmonga muhtojligini maʼlum qilishdi, ularning murojaati shu joyning o‘zida yechim topdi.
1998 yilda tug‘ilgan A.Munisa 3-sektor tashabbusi bilan tikuvchilik yo‘nalishi bo‘yicha tahsil olganligi va unga tikuv mashinasi olib berilganligini, lekin uyida tikuvchilik bilan shug‘ullanishi uchun imkoni yo‘qligini bildirib, joy topib berishda amaliy yordam so‘ragan. Uning murojaati asosida tumandagi “Tepa” mahallasi maʼmuriy binosida mavjud bo‘sh xona Munisa tikuvchilik faoliyati bilan shug‘ullanishi uchun ajratib beriladigan bo‘ldi.
Bu kabi sayyor qabullar barcha tumanlarda davom etmoqda.
- --
Ёшлар билан учрашув
Давлатимиз раҳбари томонидан ёшлар билан ишлаш тизимига доимий равишда эътибор қаратиб келинмоқда, зеро ёшлар давлат келажагидир.
Вазирлар Маҳкамасининг “Уюшмаган ёшлар орасида ҳуқуқбузарликларни олдини олиш ва жиноятчиликка қарши курашиш ишларини ягона ёндашув асосида ташкил этиш чора-тадбирлари тўғрисида”ги 2023 йил 13 сентябрь кунидаги 468-сонли Қарори асосида ёшларнинг муаммоларини ўрганиш ва амалий ёрдам кўрсатиш масалалари асосий вазифа қилиб белгиланган.
Ушбу вазифаларни сифатли амалга ошириш мақсадида ҳар бир сектор раҳбарларига туманда яшаётган уюшмаган ёшлар бириктирилган.
Хусусан, Яккасарой тумани 3-сектор раҳбарига туманда истиқомат қилувчи 29 нафар ёшлар бириктирилган бўлиб, улар билан манзилли ишлар амалга оширилмоқда.
Куни кеча Яккасарой тумани ИИО ФМБ бошлиғи подполковник Алишер Муродов, туман прокурори Бекзод Шамсиев ва бошқа мутасаддилар тумандаги ёшлар билан учрашув ўтказди. Мурожаат қилган ёшларнинг муаммоси ижобий ҳал этилди.
Мисол учун, 1996 йилда туғилган ногиронлиги бўлган А. Татьяна, шунингдек 2006 йилда туғилган А. Абдуғанининг оналари сектор раҳбарига мурожаат қилиб, фарзандлари даволаниши учун дори-дармонга муҳтожлигини маълум қилишди, уларнинг мурожаати шу жойнинг ўзида ечим топди.
1998 йилда туғилган А. Муниса 3-сектор ташаббуси билан тикувчилик йўналиши бўйича таҳсил олганлиги ва унга тикув машинаси олиб берилганлигини, лекин уйида тикувчилик билан шуғулланиши учун имкони йўқлигини билдириб, жой топиб беришда амалий ёрдам сўраган. Унинг мурожаати асосида тумандаги “Тепа” маҳалласи маъмурий биносида мавжуд бўш хона Муниса тикувчилик фаолияти билан шуғулланиши учун ажратиб бериладиган бўлди.
Бу каби сайёр қабуллар барча туманларда давом этмоқда.
{$ noItemsMessage $}