Yong’oq va dolchinli roll
Masalliqlar:
XAMIRIGA:
450 gramm un
1 osh qoshiq quruq xamirturush
50 gramm shakar
1 choy qoshiq vanil shakari
0.5 choy qoshiq tuz
40 gramm eritilgan sariyog’
120 millilitr sut
1 dona tuxum
ASOSIGA:
60 gramm yumshatilgan sariyog’
100 gramm tozalangan yong’oq
50 gramm shakar
1 osh qoshiq maydalangan dolchin
ustiga surtish uchun tuxum sarig’i+suv
Qadam 1
Tog’orachaga un, xamirturush, shakar, tuz, sut, eritilgan sariyog’ va tuxumni solamiz, yumshoqina xamir qorib olamiz.
Qadam 2
Xamir ustini sochiq bilan yopib, 20-30 daqiqa iliq joyda qoldiramiz.
Qadam 3
Yong’oqni blenderda yoki pichoq yordamida maydalab olamiz va shakar bilan aralashtiramiz.
Qadam 4
Xamirni 25-30 sm kattalikda yoyib olamiz. Yumshagan sariyog’ni surtib, ustidan yong’oqli aralashmani sepamiz. O’qlovni bir marta xamir ustidan yurgizib chiqsak, ular xamirga yopishib, to’kilib ketmaydi.
Qadam 5
Yoyilgan xamirni 6 ta teng uzun lentalarga kesib chiqamiz. Bittasini olib, ruletsimon shaklda o’raymiz.
Qadam 6
Ruletsimon shakldagi xamirni aylanasi 24 sm li qolipning o’rtasiga qo’yamiz.
Qadam 7
Qolgan xamir bo’laklarini ham qolipdagi ruletsimon xamir ustidan o’rab chiqamiz. 20 daqiqa ko’tarilishi uchun qoldiramiz.
Qadam 8
Ustidan tuxum sarig’i surtib, 180 C darajada qizigan pechdan 40 daqiqa davomida pishirib olamiz.
Yoqimli ishtaha!
{$ noItemsMessage $}