Turkcha oshirma xamirli plyushkalar
Masalliqlar:
400-450 gramm un
180 millilitr sut
6 gramm quruq xamirturush
1 ta tuxum
80 millilitr o’simlik yog’i
3 osh qoshiq shakar
1.5 choy qoshiq tuz
50 gramm yumshatilgan sariyog’
ustiga surtish uchun tuxum sarig’i+sut
ustiga sepish uchun shakar
Qadam 1
Oparasini tayyorlab olamiz. 50 millilitr sutga 1 osh qoshiq shakar va xamirturushni solamiz. Aralashtirib, ko’pirib chiqishi uhcun 15 daqiqaga qoldiramiz.
Qadam 2
Unni elab olamiz va ustidan qolgan sut, shakar, tuz, yog’ va oparani solamiz. Yumshoq xamir qorib olamiz va ustini yopib, 1 soatga iliq joyga olib qo’yamiz.
Qadam 3
Oshgan xamirni mushtlab olamiz va 10-12 ta bo’lakka bo’lib chiqamiz.
Qadam 4
Xamir bo’laklarini 3 mm qalinlikda, ovalsimon shaklda yoyib chiqamiz. Tepa va pastidan 0.5 sm joy qoldirib, uzunasiga bir nechta tilimlarga bo’lib chiqamiz.
Qadam 5
Silikon cho’tka yordamida xamirga yuyumshoq sariyog’dan ko’proq surtib chiqamiz. Xamirlarni diogonal yo’nalishda ruletsimon shaklda o’rab chiqamiz. So’ng esa spiralsimon qilib buklaymiz.
Qadam 6
Bulochkalarni 10 daqiqaga tindirib qo’yamiz.
Qadam 7
Bulochkalarga sut va tuxum sarig’i aralashmasidan surtamiz va 180 C darajada qizigan pechda 20-25 daqiqa davomida pishirib olamiz.
Yoqimli ishtaha!
{$ noItemsMessage $}