Bayramona tovuqli rulet
Bu rulet bizlarning eng sevimli taomlarimiz safiga kiradi. Bedana tuxumlari solingan bu rulet har qanday dasturxonga ko’rk bersa, uning mazali ta’mi esa hech kimni befarq qoldirmaydi.
Bu taomga o’zgacha ta’mni esa aniq bir masalliqlar orqali taqdim etish mumkin bo’lib, aynan qaysi hsulotlar to’liq retseptda bilib olasiz.
Kerakli masalliqlar:
tovuq go’shtidan qilingan qiyma– 600gr
piyoz – 1 bosh.
sabzi – 1 dona.
qizil bulg’or qalampiri – 1 dona.
kartoshka – 1 dona.
xohlagan ko’katlardan – 1 bog’
tuz – ta’bga qarab
murch – ta’bga qarab
tovuq tuxumi – 1 dona.
sarimsoqpiyoz kukuni – 0,5 ch.q.
bedana tuxumi – 7-8 dona.
Tayyorlanilishi:
1. Tovuqli qiymaga mayda to‘g’ralgan bulg’or qalampiri va piyoz solinadi.
2. Kartoshka va sabzini qirg’ichning mayda tishchasidan chiqarib olamiz.
3. Tuxum, to‘g’ralgan kko’katlar va barcha ziravorlarni solamiz. Tuz va murch sepamiz.
Yaxshilab aralashtirib olamiz.
4. Uzunchoq qolipga yaxshilab o’simlik yog’i surtib chiqamiz.
5. Qiymani teng ikkiga bo’lamiz.
6. Qiymaning yarmini qolipga solamiz.
7. Ustidan qaynatilgan va po’stidan archilgan tuxumlarni terib chiqamiz.
8. Qiymaning ikkinchi yarmini solib, tekislaymiz.
9. Qolipni ustini folga bilan yopib, 180 С darajada qizdirilgan pechda 30-35 daqiqa davomida pishirib olamiz.
10. Tayyor bo’lishidan 10 daqiqa oldin rulet qizarib pishishi uchun folgani olib tashlaymiz.
11. Pishgan ruletni avval sovutib, so’ng dasturxonga tortamiz.
Yoqimli ishtaha!
{$ noItemsMessage $}