"Nafis" salati
Masalliqlar:
4-5 ta qaynatilgan tuxum
2 ta qizil sabzi
2 ta kartoshka
1 banka konservalangan tunets balig’i
150 gramm marinadlangan bodring
0.5 bog’ ko’k piyoz
bir nechta shoxcha shivit
1 ta sarimsoqpiyoz tishchasi
200 gramm mayonez
100-150 gramm qattiq pishloq
ta’bga qarab tuz va murch
1.Kartoshka va sabzini qaynatib olamiz. Sovutib, qirg’ichdan chiqaramiz.
2.Marinadlangan bodringni yupqa parrak, piyozni esa mayda qilib to‘g’raymiz.
3.Qaynatilgan tuxumlarni o’rtasidan teng ikkiga kesib chiqamiz.
Tuxum oqini sarig’idan ajratib, oqlarini chetga olib qo’yamiz.
4.Kosachaga tuxum sarig’ini solamiz, 2 osh qoshiq mayonez, maydalangan sarimsoqpiyoz va shivitni solib, aralashtirib olamiz.
5.Hosil bo’lgan aralashmani tuxum oqlarining ichiga solib chiqamiz va chetga olib qo’yamiz.
6.Mayonezni pishiriq qopchasiga solamiz.
7.Yassiroq likopchaga mayonezdan surtib chiqamiz.
8.Qirg’ichdan chiqarilgan kartoshkani solib, ustidan ozroq mayonez surtamiz.
Ustidan ko’k piyoz sepamiz.
9.So’ng ustidan konservalangan baliqni solib chiqamiz.
10.Sabzini baliq ustidan solamiz, mayonez surtamiz.
Bodringni ham solib, mayonezni surtamiz.
11.Ustidan yarimtalik tuxumlarni ichki tomonini pastga qaratib terib chiqamiz. Mayonez surtib, ustidan qirg’ichdan chiqarilgan pishloqni sepamiz.
{$ noItemsMessage $}