Jeymi Oliverdan tovuqli pirog
Masalliqlar:
250 gramm tayyor qatlama xamir
300 gramm tovuq filesi
200 gramm shampinyon
1 bog’ ko’k piyoz
40 gramm xantal
20 gramm un
20 gramm o’simlik yog’i
50 gramm smetana
150 millilitr suv yoki bulyon
ta’bga qarab tuz va murch
1 choy qoshiq rozmarin
ustiga surtish uchun tuxum sarig’i
ustiga sepish uchun kunjut
Tayyorlanilishi:
1. Xamirni xona haroratida yumshatib olamiz.
2. Tovuqni o’rtacha kattalikdagi to’rtburchak shaklda to‘g’rab olamiz va yog’ solingna tovada 4-5 daqiqa davomida qovurib olamiz.
3. Ustidan tuz, murch va rozmarinni sepamiz. Qo’ziqorin va piyozni mayin to‘g’rab solamiz. Sariyog’ni ham ustidan solib, 5-6 daqiqa qovurib olamiz.
4. Un, xantal va smetanani qo’shamiz, aralashtirib olamiz. Ustidan suv yoki bulyonni quyib, 15 daqiqa dimlab pishiramiz.
5. Aralashmani qolipga solib, ustini tekislaymiz.
6. Tayyor xamirni 0.5 sm qalinlida yoyib, qolip ustini yopamiz va chetlarini chiroyli ko’rinishda buklab chiqamiz.
Ustiga tuxum sarig’i surtib, kunjutdan sepamiz.
7. 190-200 C darajada qizdirilgan pechda 15-20 daqiqa davomida pishirib olamiz.
Yoqimli ishtaha!
{$ noItemsMessage $}