Tezpishar asalli tort
Masalliqlar:
3 ta tuxum
120 gramm shakar
100 gramm sariyog’
3 osh qoshiq asal
250 gramm un
10 gramm qabartma
KREMIGA:
400-450 gramm smetana
300 millilitr quyultirilgan sut
Tayyorlanilishi:
1. Qozonchaga sariyog’ va asalni solamiz, gazga qo’yib eritamiz. Qabartmani solib, aralashtirib olamiz.
2.Tuxum va shakarni birga yaxshilab ko’pirtirib olamiz.
3. Ustidan asal-sariyog’li aralashmani quyib, aralashtirib olamiz.
4. Unni elab solamiz va aralashtirib olamiz.
Aylanasi 18 sm li qolipga xamirni quyamiz va 175-180 C darajada 25-30 daqiqa davomida pishirib olamiz.
5. Pishgan korjni qolipidan ajratib, sovutib olamiz va ikki yoki uch bo’lakka bo’lamiz.
Chetlaridan chiqqan urvoqlarini ustiga sepish uchun olib qo’yamiz.
6. Kremini tayyorlaymiz:
Muzdek smetanani yaxshilab ko’pirtirib olamiz, so’ng ko’pirtirishni to’xtatmay, quyultirilgan sutni oz-ozdan quyamiz.
7. Kremni surtib, tortni yig’amiz. Usti va chetlariga urvoqlaridan sepib, bezatamiz.
Tortni kamida 3 soatga, iloji bo’lsa, bir kechaga sovutgichga olib qo’yamiz.
Yoqimli ishtaha!
{$ noItemsMessage $}