Sud 200 kVt bo‘yicha hukumatga qarshi shikoyatni qabul qilmadi
Samarqandlik fuqaro Mardon Subxanov hukumatning tegishli qarori bilan tasdiqlangan va 1-maydan kuchga kirgan elektr energiyasi uchun oyiga 200 kVt/soatgacha bo‘lgan ijtimoiy normani haqiqiy emas, deb topishni so‘rab, Vazirlar Mahkamasi qarori ustidan sudga shikoyat kiritdi.
Unga ko‘ra, 200 kVt/soat elektr energiyasi tabiiy gaz yetib bormagan oilalar uchun bir oyga juda kamlik qiladi. Mazkur qaror tabiiy gaz bilan ta’minlangan va gazlashmagan hududlardagi aholi uchun teng imkoniyat hamda sharoitlarni inkor etadi, O‘zbekistonda tabiiy gaz bilan ta’minlanmagan aholini kamsitadi.
Gazlashmagan hududda istiqomat qiluvchi Mardon Subxanov shu sababli hukumat qarori ustidan sudga shikoyat kiritgan.
Ammo Oliy sud sudyasining 2024-yil 19-iyundagi ajrimi bilan arizani ish yuritishga qabul qilish rad etilgan. Bunga sabab sifatida – Ma’muriy sud ishlarini yuritish to‘g‘risidagi kodeksning 133-moddasi 1-qismi 1-bandiga asosan, fuqaroning arizasi ma’muriy sudga ham, fuqarolik ishlari bo‘yicha sudga ham, iqtisodiy sudga ham taalluqli emasligi qayd etilgan.
23-iyul kuni fuqaro Mardon Subxanovning Oliy sud sudyasining 19 iyundagi ajrimi ustidan bergan apellyatsiya shikoyati ko‘rib chiqildi. Ochiq sud majlisida arizachining o‘g‘li Mirzo Subxanov ishonchli vakil sifatida qatnashdi.
“Gazeta.uz” suddan reportaj tayyorladi.
Telegram – https://t.me/gazetauz_uzb
Facebook – / gazetauz
Instagram – / gazetauzbekistan
Twitter – / gazeta_uz
{$ noItemsMessage $}