Benedikt tuxumi
Masalliqlar:
4 bo’lak toster yoki baton noni
4 bo’lak mol go’shtidan vetchina yoki dudlangan go’sht
4 ta tuxum
1 osh qoshiq 70 % li sirka
ta’bga qarab tuz va murch
GOLLANDCHA QAYLASIGA:
3 ta tuxum sarig’i
150 gramm sariyog’
1 osh qoshiq suv
1 osh qoshiq limon sharbati
bir chimdim tuz
Qadam 1
Gollandcha qaylasiga:
Sariyog’ni uch qism: 100 grammli va ikkita 25 grammli bo’laklarga bo’lamiz.
Qadam 2
100 grammli bo’lagini qozonchaga solib, past olovda eritib olamiz.
Qadam 3
Tuxum sarig’ini shisha idishga solib, quyuqlashgunicha, taxminan 1 daqiqa davomida ko’pirtirib olamiz.
Qadam 4
Tuz, limon sharbati va bir chimdim tuz solamiz. Yana yarim daqiqacha ko’pirtiramiz.
Qadam 5
Kichkina sariyog’ bo’lagining bittasini solib, hammasini suv bug’iga qo’yamiz.
Qadam 6
Qayla quyuqlashib, kremsimon holatga kirgunicha tinmasdan aralashtirib turamiz.
Qadam 7
Qozonchani gazdan olib, qolgan sariyog’ bo’lagini ham solamiz va yaxshilab aralashtiramiz.
Qadam 8
Eritilgan sariyog’ni ham qayla ustidan quyamiz va venchikda aralashtirib olamiz.
Qadam 9
Tuz va murch sepamiz, xohishga qarab limon sharbatini ham solamiz.
Qadam 10
Pashot tuxumi:
Qozonga suv quyamiz va 1 osh qoshiq sirka quyamiz. Gazga qo’yib, biroz qaynatib olamiz.
Qadam 11
Tuxumni kichikroq idishga chaqib solamiz. So’ng uni qaynayotgan suvga solamiz.
Qadam 12
Tuxum qozon ostiga cho’kkandan so’ng esa tuxum oqini sarig’iga yaqinroq qilib to‘g’irlashimiz mumkin. Faqat suv qattiq qaynab ketmasligi kerak.
Qadam 13
3-4 daqiqa qaynatgandan so’ng tuxumni olib, qog’oz sochiq ustiga olib qo’yamiz. Qolgan tuxumlarni ham xuddi shunday usulda pishirib olamiz.
Qadam 14
Non bo’lagi ustidan vetchina, so’ng tuxumni qo’yib, ustidan qaylani quyamiz.
Yoqimli ishtaha!
{$ noItemsMessage $}