ПРЕМЬЕРА! Shahzoda – Chiccita (Official Video 2015!)
Шаҳзода мухлислари учун ажойиб туҳфани тақдим этди. Кўплаб мухлислар томонидан «Чиккита» қўшиғи ва клипи интиқиб кутилгани аниқ. тарона илк бора «Ўзбегим Таронаси» радиоси орқали жаранг сочди. Сарвар ва Комил томонидан ёзилган қўшиқ машҳур «Чикко» қўшиғининг давоми бўлиб, шўх ва рақсбоп оҳангги билан дилларга хуш ёқади. Буни тингловчилар ҳам эътироф этиб, қўшиқ «Чикко» каби тезда оммалашиб, хит даражасига кўтарилишига ишонч билдирдилар. Бир вақтнинг ўзида тақдим этилаётган видеоклип эса жуда қисқа вақт ичида минглаб мухлисларнинг эътиборини тортгани алоҳида таҳсинга лойиқ. Сарвар Исаев режиссёрлигида Иззат Лутфуллаев тасвирга олган кадрлар беғубор ва ёрқин тасвирларга бой. Барча мухлислар учун энг асосий янгилик шундаки, бу клипда бош ролни Шаҳзоданинг кичик фарзанди Ҳалид ижро қилган. Ҳақиқий Чикко образини намоён қилган Ҳалиднинг илк роли кўпчилик учун қизиқ бўлганлиги табиий. Клипда анимациядан ҳам кенг фойдаланилган. Улар эса Жавлон Турдихўжаев томонидан чизилган. Клипдаги яна бир қаҳрамон «Чиккита» образи эса айнан Шаҳзоданинг ғояси асосида тайёрланган бўлиб, видеода Чикко ҳамда Чиккитанинг қизиқарли саргузаштлари тасвирланган.
{$ noItemsMessage $}