Ermitaj muzeyi | Эрмитаж музейи

525
ziyouz
ziyouz22486

    Эрмитаж, Давлат эрмитажи — Санкт-Петербургдаги бадиий ва маданий-тарихий давлат музейи; жаҳондаги энг йирик музейлардан. Эрмитажга 1764 йил Екатерина II томонидан (Берлиндан голланд ва фламанд мактаблари рассомларининг асарларини олиб келтирилиши асосида) асос солинган (1852 йилда томошабинлар учун қисман очилган), бу асарлар Қишки саройнинг «Эрмитаж» (франц. — холис жой) деб аталган апартаментига жойлаштирилган. Кейинчалик сарой учун чет эллардан йирик шахсий тўпламлар (Брюль, 1769; Кроз, 1772; Уолпол, 1779 ва бошқалар) сотиб олина бошланган. Қишки сарой картиналар каталогида 2080 та асар бўлган; шунингдек, гравюра, расмлар тўпламлари, қадимий давр ёдгорликлари, Ғарбий Европа амалий безак санъати, глиптика, танга ва медаллар, китоблар (Вольтер кутубхонаси) тўплана бошлаган. 19-асрдан археологик қазилмаларда очилган буюмлар, тасодифий топилмалар (жумладан, машҳур скиф тўплами) Эрмитажни бойитиб борган. Эрмитаж рус маданиятининг ривожланишида муҳим роль ўйнаган. Дастлаб Эрмитажга томошабинлар қўйилиши чекланган, экскурсияларга рухсат берилмаган. 1917 йил Октябрь тўнтаришидан сўнг Строгоновлар, Юсуповлар, Шуваловлар ва бошқалар рус меценат ва бойларининг мусодара қилинган тўпламлари Эрмитажга ўтказилган. Қишки сарой аста-секин Эрмитажга бутунлай топширилган. 2-жаҳон уруши йиллари Эрмитаж тўпламининг бир қисми эвакуация қилинган, лекин Эрмитаж қамал пайтида ҳам ўз фаолиятини тўхтатмаган.

    Комментарии

    Для добавления комментариев необходимо авторизоваться.