Dena aksiya g’olibiga o’yinchoq Malibu sovg’a qildi

Ma’lum bo’lishicha, g’olib bittagina Dena sotib olib, o’yinda qatnashgan va xatto Malibu qachon o’ynalishi haqida ma’lumotga ega ham bo’lmagan. Yagona shaftoli ta’mli Dena qutisini esa, Orlando rusumli avtomobili o’rindig’i ostida har ehtimolga qarshi saqlab yurgan. “Men uchun Malibu katta yutuq. Lekin, omadim borligi menga undan ham katta quvonch bag’ishayapti” degan edi u suhbatlaridan birida.

Doniyor g’olib bo’lganiga ishonch hosil qilgach, yaqinlari va do’stlariga bu xabarni aytadi. Lekin Doniyor ne umidlar bilan topshirish marosimiga kelganda Dena xodimlari “o’yin ichida o’yin” qilishgani uni hayratga soladi. Bayramona bezatilgan zavod hovlisiga kirib kelarkan, u hayajon borligni ochiq tan oladi. Boshlovchi balandparvoz gaplardan keyin unga stol ostidan oddiygina o’yinchoq Malibuni uzatadi. G’olib buni avvaliga “yaxshi xazil”ga yo’yadi. Ammo o’yin boshlovchisi Ahrorbek Qo’shmatov ham uning yoniga qandaydir “arzimas qo’shimcha” berish bilan kifoyalandi va marosimni yopiq deb e’lon qildi. Topshirsh marosimidagi “o’yin” tafsilotlarni quyidagi rasmiy videoda ham ko’rishingiz mumkin.