Sabzavotlar bilan choʻpchalarda pishirilgan tovuq
Masalliqlar:
500 gramm tovuq filesi
300 gramm qovoqcha
300 gramm baqlajon
200 gramm bulg’or qalampiri
200 gramm pomidor
4-5 ta sarimsoqpiyoz tishchasi
MARINADIGA:
60 millilitr soya qaylasi
1 choy qoshiq oregano
3 choy qoshiq tovuqqa mo’ljallangan ziravorlar
1 choy qoshiq tuz
4 osh qoshiq zaytun moyi
Qadam 1
Tovuq go’shtini 2.5 sm kattalikda to’rtburchak qilib to‘g’rab olamiz.
Qadam 2
Go’shtni tog’orachaga solamiz. Ustidan soya qaylasini quyib, oregano va ziravorlarni sepamiz. Bir aralashtirib olib, so’ng zaytun yog’ini ham quyamiz.
Qadam 3
Yaxshilab aralashtirib, 30-60 daqiqaga sovutgichga olib qo’yamiz.
Qadam 4
Sabzavotlarni 3-4 sm kattalikda to‘g’rab olamiz. Ustidan tuz va ziravorlarni sepib, 2 osh qoshiq zaytun yog’i ham quyamiz.
Qadam 5
Pomodordan tashqari qolgan sabzavotlar va go’shtni navbati bilan cho’plar (shpajka)ga terib chiqamiz.
Qadam 6
Qolipga terib chiqamiz va ustidan pomidor va sarimsoq piyozni solamiz.
Qadam 7
180 C darajada qizigan pechda taxminan 45-50 daqiqa davomida pishirib olamiz.
Yoqimli ishtaha!
{$ noItemsMessage $}