Kartoshkali qovurilgan pirojkalar
Masalliqlar:
Oparasiga:
50 millilitr iliq suv
6-7 gramm quruq xamirturush
1 choy qoshiq shakar
Xamiriga:
250 millilitr iliq sut
2 ta tuxum sarig’i
1 choy qoshiq shakar
1 choy qoshiq tuz
450-500 gramm un
2 osh qoshiq «Golden Corn» makkajo’xori yog’i
Asosiga:
600 gramm kartoshkali pyure
1 bosh piyoz
bir necha shoxcha xohlagan ko’katlar
ta’bga qarab qora murch
Qovurish uchun:
300 millilitr «Golden Corn» makkajo’xori yog’i
Qadam 1
Oparasini tayyorlab olamiz:
Stakanga 50 millilitr iliq, ammo issiq bo’lmagan suvni quyamiz. Xamirturush va shakarni solib, aralashtiramiz. Ustini sochiq bilan yopib, 15 daqiqaga qoldiramiz.
Qadam 2
Xamir qoramiz:
Tog’orachaga unni solamiz. O’rtasini chuqurcha qilib, sut, shakar, tuz, opara va tuxum sarig’ini solamiz.
Qadam 3
Oz-ozdan un solib, yopishqoq xamir qorib olamiz. Ustini yopib, 15 daqiqaga qoldiramiz.
Qadam 4
15 daqiqadan so’ng o’simlik yog’ini solib, 10 daqiqa xamirni yaxshilab mushtlaymiz. So’ng ustini yopib, 40-50 daqiqa iliq joyga qo’yib turamiz. Bunda xamir ikki-uch hissaga ko’tariladi.
Qadam 5
Asosini tayyorlaymiz:
Kartoshkali pyurega qovurilgan piyoz, to‘g’ralgan ko’katlarni solamiz, tuz va murch sepib, aralashtirib olamiz.
Qadam 6
Stol ustini yog’laymiz (ammo un sepish tavsiya qilinmaydi), xamirni qo’yib, mushtlaymiz va taxminan 16-18 ta teng bo’laklarga bo’lamiz.
Xamir bo’laklaridan silliq aylana shaklchalar yasaymiz.
Qadam 7
Xamir bo’laklarini qo’lda 0.3 sm qalinlikda yoyib olamiz. O’rtasiga asosdan solib chiqamiz va tugib chiqamiz. Chokli tomonini pastga qaratib qo’yamiz.
Qadam 8
Tova yoki qozonga yog’ quyamiz. Bunda yog’ pirojkalarning yarmini qoplashi kerak. Yog’ni qizdirib olamiz.
Qadam 9
Pirojkalarni qizib turgan yog’ga solib, har bir tomonini 3-4 daqiqadan qovurib olamiz. Bunda olov o’rtacha bo’lishi, baland bo’lmasligi lozim. Aks holda pirojkalarning usti pishib, ichi xom qolishi mumkin.
Pishgan pirojkalarni qog’oz sochiq ustidan terib chiqamiz.
Yoqimli ishtaha!
{$ noItemsMessage $}