Qorag’at solib pishirilgan shokoladli tart
Masalliqlar:
XAMIRLI ASOSIGA:
120 gramm sariyog’
90 gramm shakar
2 ta tuxum sarig’i
5 gramm qabartma
170 gramm un
20 gramm kakao kukuni
bir chimdim tuz
ASOSIGA:
300 gramm muzlatilgan yoki yangi uzilgan qorag’at
130 gramm shakar
15 gramm makkajo’xori kraxmali
MERENGASIGA:
3 ta tuxum oqi
150 gramm shakar upasi
Qadam 1
Xona haroratida yumshagan sariyog’ni shakar bilan birga ko’pirtirib olamiz. So’ng tuxum sarig’ini solib, ko’pirtirishda davom etamiz.
Qadam 2
Ustidan un, qabartma, kakao va bir chimdim tuzni solamiz.
Qadam 3
Tezda xamir qorib olamiz va unga aylana shakl beramiz.
Qadam 4
Qolipga pergament qog’oz to’shab, ustidan xamirni yoyib joylashtiramiz. Chetlarini o’rtasiga nisbatan balandroq qilib yoyamiz.
180 C darajada qizigan pechda 10-12 daqiqa davomida pishiramiz.
Qadam 5
Qorag’atni shakar va kraxmal bilan aralashtirib, pishgan korj ustidan tekis qilib solib chiqamiz.
Qadam 6
Shakar upasini tuxum oqi bilan birgalikda yaxshilab ko’pirtirib olamiz va tart ustidan surtib chiqamiz.
140 C darajada qizigan pechda 25-30 daqiqa davomida pishirib olamiz.
Yoqimli ishtaha!
{$ noItemsMessage $}