Olcha va shokoladli pirog

Masalliqlar:
1 osh qoshiq kakao kukuni
3 osh qoshiq sut
150 gramm danagidan tozalangan muzlatilgan olcha
3 ta tuxum
100 gramm shakar
bir chimdim tuz
100 gramm sariyog’
175 gramm un
1 choy qoshiq qabartma
50 gramm qora shokolad
bezatish uchun oq va qora shokolad
Tayyorlanilishi:
1.Tog’orachaga xona haroratida yumshagan sariyog’, tuz, shakar va vanil shakarini solamiz.
Yaxshilab ko’pirtirib olamiz. So’ng esa tuxumni bitta-bitta solib, har solgandan so’ng, 1 daqiqadan ko’pirtirib olamiz.
2.Un va qabartmani elab solamiz. Yaxshilab aralashtirib olamiz.
3.Cheti ochilib-yopiladigan qolipga sariyog’dan surtamiz va ozroq un sepamiz.
4.Qolipga xamirning yarmini quyamiz.
5.Qolgan xamirning yarmiga kakao va sut solib, aralashtirib olamiz.
6.Shokoladni bo’laklarga bo’lib solamiz va aralashtirib olamiz.
7.Bu xamirni ham birinchi xamir ustidan quyib, ustini tekislab olamiz.
8.Muzlatilgan olcha yoki giloslarni ozroq un bilan aralashtirib olamiz va pirogning ustidan solib chiqamiz.
9.Qolipni pechga yuboramiz.
180 C darajada qizigan pechda 40 daqiqa davomida pishirib olamiz.
Gugurt cho’pi bilan tekshiramiz, agarda u quruq chiqsa, demak pirog tayyor.
10.Pirogni avval qolipda sovutib, so’ng undan ajratib olamiz.
Ustini shokoladli glazur, bodom bo’lakchalari yoki har xil bezaklar bilan bezatamiz.

Yoqimli ishtaha!