Андижондаги сирли фожиалар тафсилоти
Мурожаат ўрганиш давомида шунга амин бўлдик-ки, Гавҳар опанинг туғишган акаси 2014 йил бехос вафот этади. Бу вақтда сингил Россиянинг Самара шаҳрида ишлаётган ва акаси холидан хабар ололмаётган эди.
Яъни Гавҳар опанинг акаси Қобил Қурбонов бирдан тўшакка михланиб қолади ва орадан унча кўп вақт ўтмай вафот этади. Акасининг вафот этишидан шокка тушган Гавҳар Ҳамроқулова орадан бироз вақт ўтиб акаси Қобил Қурбоновнинг иккинчи никоҳида бўлган собиқ турмуш ўртоғи М. Бакиевадан гумонланади. Аниқроғи, акасини ерга қўйган, Ҳамроқуловага Тўйчиев деган кимса: «сени акангни ўз келининг Бакиева симоб орқали заҳарлаб ўлдирди» дея шубҳа уйғотадиган сўзларни айтади.
Шундан сўнг Гавҳар Ҳамроқулова келинига бўлган шубҳа янада ортади ва акаси билан яшаётган вақтида ортирилган қизалоқ ҳам Қобил Қурбоновники эмаслигини важ қилади. Ҳамроқуловага бу сўзларни ошкор қилишда ҳам Тўйчиевнинг айтганлари манба бўлиб хизмат қилади. Бу орада келин марҳум эрининг синглиси билан ундан қолган уйни талашаётган эди.
{$ noItemsMessage $}