Mayonezda qorilgan pishloqli pechenyelar
Masalliqlar:
170 gramm un
100 gramm qattiq pishloq
100 gramm Maselkadan «Pishloqli» mayonezi
50 gramm margarin yoki sariyog’
1 ta tuxum
1 choy qoshiq qabartma
ta’bga qarab tuz va murch
2 choy qoshiq zira
2 choy qoshiq kunjut
ustiga surtish uchun tuxum sarig’i+1 osh qoshiq suv
1.Tog’orachaga mayonez, yumshagan sariyog’ va tuxumni solib, mikser yordamida ko’pirtirib olamiz.
2.Qirg’ichning mayda tishchasidan chiqarilganpishloqni solib, aralashtirib olamiz.
3.Tuz va qabartmani sepib, aralashtirib olamiz.
4.Oz-ozdan unni sepib, tezda xamir qorib olamiz.
5.Xamirni yelim xaltaga solib, 30 daqiqa sovutgichga olib qo’yamiz.
6.Tingan xamirni 0.5 sm qalinlikda yoyib olamiz.
7.Pichoq yordamida xohlagan shakldagi pechenyelar kesib olamiz.
8.Tuxum sarig’i va suvni aralashtirib, pechenyelar ustidan surtib chiqamiz.
9.Ustidan zira, kunjut va ta’bga qarab, murch sepamiz.
10.180 C darajada qizigan pechda 20 daqiqa davomida pishirib olamiz.
11.Pishgan pechenyelarni pech panjarasiga terib, sovutib olamiz.
Yoqimli ishtaha!
{$ noItemsMessage $}