Go’shtli non

Masalliqlar:
1 o’ram tayyor oshirma xamir
300 gramm mol go’shtidan qiyma
1 bosh piyoz
1 choy qoshiq zira
ta’bga qarab tuz va murch
ustiga surtish uchun tuxum sarig’i+sut
ustiga sepish uchun kunjut
1.Xamirni qadog’idan ajratib olamiz.

2.Ustini sochiq bilan yopib, 30-40 daqiqa xona haroratida qoldiramiz.

3.Xamir yumshagunga qadar asosini tayyorlab olamiz.
Buning uchun piyozni to’rtga bo’lib, yupqa qilib to‘g’raymiz. Qiyma bilan aralashtirib, tuz, murch va zira sepamiz. Aralashtirib olamiz.

4.Oshgan xamirni teng ikkiga bo’lamiz.

5.Har bir xamirni 3 mm qalinlikda yoyib olamiz.

6.Xamirning ⅔ qismiga qiymaning yarmini solamiz va ruletsimon shaklda o’rab olamiz.

7.Qiyma tegmagan chetki xamirdan esa 12 ta uzunchoq lentasimon shaklda kesib chiqamiz va ulardan 4 ta soch o’rami hosil qilamiz. Xuddi sochni o’rgandek xamirni ham o’raymiz.

8.Xamirni oxirigacha ruletsimon shaklda o’rab, aylana shaklga kiritamiz.

9.Xamirlarni pergament qog’oz to’shalgan patnisga olamiz.
Ustini sochiq bilan yopib, 15 daqiqaga qoldiramiz.

10.Ustidan tuxum sarig’i bilan sut aralashmasidan surtamiz va kunjut sepamiz.
180 C darajada 30-35 daqiqa davomida pishirib olamiz.
Yoqimli ishtaha!