Shaftoli va tvorogli xamirdan qilingan pirog
XAMIRIGA:
100 gramm 5-9 % li tvorog
100 gramm maselkadan «Konditer premium» margarini
3 ta tuxum sarig’i
70 gramm shakar
1 choy qoshiq qabartma
bir chimdim tuz
250 gramm un
xohishga qarab vanil shakari
ASOSIGA:
3-4 dona shaftoli
20 gramm makkajo’xori kraxmali
25 gramm shakar
ustiga surtish uchun tuxum sarig’i+sut
ustiga sepish shakar
Qadam 1
Un ustidan shakar, tuz va qabartmani solib, aralashtirib olamiz.
Qadam 2
Ustidan margarinni qirg’ichdan chiqarib solamiz va qo’lda yaxshilab ishqalab, kukunsimon holatga keltiramiz.
Qadam 3
Tvorog va tuxum sarig’larini solib, xamir qorib olamiz.
Qadam 4
Xamirni yelim xaltaga solib, 30-40 daqiqaga sovutgichga olib qo’yamiz.
Qadam 5
So’ng tingan xamirni olib, teng ikkiga bo’lamiz.
Qadam 6
Bittasini olib, 4-5 mm qalinlikda yoyib olamiz va aylanasi 24-25 sm li qolipga to’shaymiz. Chetlarini esa o’rtasiga nisbatan balandroq qilib chiqamiz.
Qadam 7
Xamirni bir nechta joyini sanchiq bilan teshib chiqamiz va ozroq kraxmal (5 gr) sepib chiqamiz.
Qadam 8
Xamir ustidan parrak qilib to‘g’ralgan shaftolilarni terib chiqamiz. Ustidan kraxmal va shakar sepamiz.
Qadam 9
Ikkinchi xamir bo’lagini ham yoyib olamiz va undan uzun lentalar kesib chiqamiz. So’ng shu lentachalarni pirog ustidan panjara ko’rinishida terib chiqamiz.
Qadam 10
Xamir ustidan tuxum sarig’i va sutni aralashtirib surtib chiqamiz. Ozroq shakar sepamiz.
Qadam 11
Pirogni 180 C darajada qizigan pechga qo’yib, 35-40 daqiqa davomida pishirib olamiz.
Pishgan pirogni sovutib, so’ng dasturxonga tortamiz.
Yoqimli ishtaha!
{$ noItemsMessage $}