Баҳодир Жалолов жангдан сўнг нима деди
Ўзбекистонлик боксчи Баҳодир Жалолов бугун профессионал боксдаги олтинчи жангини ўтказди. АҚШнинг Нью-Йорк штатида “NABF Junior Heavyweight Title” титул камари учун кечган баҳсда Жалолв ўз устунлигини намойиш қилиб, якунда ҳам чиройли ғалабани тантана қилди.
Америкалик Брендан Барретга қарши рингга кўтарилган Баҳодир жанг тўлиқ якунига етмасдан, аниқроғи, биринчи раунднинг ўзида рақибини нокаутга учратди. Таъкидлаш жоиз, жанг санасига бир кун қолганда рақиб ўзгарган эди. Бироқ бу ҳолат Баҳодирга сира ҳалал бермади.
Шу тариқа ўзбекистонлик боксчи ўзининг олтинчи жангини ҳам муддатидан аввал якунлаб, “NABF Junior Heavyweight Title” титул камарини қўлга киритиш билан бирга супер оғир вазн тоифасининг рейтингида янада юқори поғонага кўтариладиган бўлди.
Энди у 16-27 апрель кунлари Таиландда бўлиб ўтадиган Осиё чемпионатида иштирок этиш учун терма жамоа ихтиёрига қўшилади.
{$ noItemsMessage $}