ЖССТ Африкада тарқалаётган маймун чечагининг Clade 1b штаммининг янги тўлқини туфайли соғлиқни сақлаш бўйича фавқулодда ҳолат деб эълон қилди
АОКАда ўтказилган брифингда Санэпидқўмита бошқарма бошлиғи Рустамжон Икрамов маймунчечакка қарши олиб борилаётган чора тадбирлар ҳақида маълумот берди:
Маймун чечаги – вирусли инфекция бўлиб, одамларга, ифлосланган нарсалар ёки касал ҳайвонлар билан мулоқот ва жинсий мулоқот орқали юқиши мумкин.
Жорий йилнинг 14 август куни ЖССТ Африкада тарқалаётган маймун чечагининг Clade 1b штаммининг янги тўлқини туфайли, соғлиқни сақлаш бўйича фавқулодда ҳолат деб эълон қилди.
Мамлакатимизга ушбу касаллик кириб келган тақдирда амалга ошириладиган кечиктириб бўлмайдиган ишлар юзасидан қуйидаги тайёргарлик чоралари кўрилди:
- Юқумли касалликлар шифохонасида ётқизиш мақсадида шифо-ўринлари, зарур дори воситалари захираси ташкил этилди;
- касалликка чалинган бемор билан мулоқотда бўлганларни 21 кун мобайнида тиббий кузатувини ташкил этиш белгилаб олинди;
- касалликни четдан кириб келиши ва тарқалишини олдини олиш борасида халқаро аэропортларда, темир йўл ва автомобил йўллари орқали чегара кесишган жойларда санитария назорати пунктлари мутахассисларининг хушёрлиги оширилди;
- Маймун чечаги касаллигининг этиологияси, клиникаси, эпидемиологияси ва профилактикаси бўйича услубий қўлланма асосида мутахассисларнинг малакаси оширилди;
Шунингдек, касалликни лаборатор аниқлаш учун тест-диагностикум захираси яратилмоқда.
Шу ўринда хурматли фуқароларимизга мурожаат қилмоқчиман: албатта бу хабарлардан турлича талқин яратадиганлар ҳам топилади, лекин Сизларни ишонтириб айтаманки ушбу касаллик бизнинг юртимизга кириб келмаслик чоралари қатъий равишда амалга оширилмоқда, Сиз ва бизнинг вазифамиз хар қандай ҳолатда шифокорларга ишонч билдирган ҳолда ўз соғлиғимизга ўзимиз жиддий муносабатда бўлишимиз зарур, турли давлатларга ташрифларни хеч ким чегаралагани йўқ, бироқ ўша давлатларда бўлиб қатгандан сўнг ёки бошқа сабабларга кўра соғлиғимиздаги баъзи ўзгаришларни фақат шифокорларга мурожаат қилган ҳолда тўғри ташҳислаш ва даволаш кераклигини унутмасликни сўрайман.
{$ noItemsMessage $}