TESTTAXLA onlayn testlar tashkil qilish dasturi=IIV Akademik Litseylaridagi Onlayn ta’lim jarayoni doirasida=Videoyoriqnoma

TESTTAXLA onlayn testlar tashkil qilish dasturi=IIV Akademik Litseylari dagi Onlayn ta’lim jarayoni doirasida=Videoyoriqnoma
TESTTAXLA™ dasturiy ta’minoti ikkita dasturdan tashkil topgan bo’lib, ulardan biri — TESTTAXLA™ Editorda o’qituvchilar test faylini yaratishadi. Ikkinchi dastur — TESTTAXLA™ Readerda esa o’quvchilar test faylini ochib, testni yechishadi. Dasturda foydalanuvchi uchun qulay, sodda va tushunarli interfeys yaratishga harakat qilingan.
Ushbu dasturning afzallik jihatlari sirasiga, birinchidan, unda Ichki Ishlar Vazirligi, Ichki Ishlar Vazirligi akademik litseyi logotiplari tasvirlanganligi (shuningdek, aynan bizning IIV 1-son Toshkent akademik litseyimiz nomi bitilganligi va bu aynan bizning litseyimiz brendi ostida test yaratuvchi va test jarayonini o’tkazuvchi dastur sifatida chiqqan eng birinchi dasturiy ta’minot ekanligi), ikkinchidan, test o’tkazish jarayoni to’la avtomatlashtirilganligi, uchinchidan, o’qituvchilarning juda ko’p vaqti tejalishi (shubhasiz, o’qituvchining test faylini yaratish uchun ketgan vaqti 150 yoki undanda ko’proq o’quvchining yechgan testlarini birma-bir tekshirib chiqishiga qaraganda ancha kam bo’ladi), to’rtinchidan, test savollari va barcha parametrlar yagona faylga birlashtirilganligi, beshinchidan, dastur hajmi kichik bo’lganligi uchun, uni alohida o’rnatish zaruratining yo’qligini kiritish mumkin.
Loyiha ishlab chiquvchi – IIV 1-son Toshkent Akademik litseyi 304-guruh o’quvchisi al-Orifxo’ja Sayyid A’zamxon Sayyid Jamolxon o‘g’li (2020)