Italiyada avtomobillarni yer yutdi

Rimdagi Balduin kvartalida yashovchi odamlar zudlik bilan evakuatsiya qilindi. Bunga sabab tumandagi yo‘llardan birida yer yorilib 10 metrli jarlik paydo bo‘ldi. Ulkan teshikka atrofda parkovka qilingan bir nechta avtomobillar tushib ketdi. Baxtli tasodif tufayli hech kimga zarar yetmadi.
Voqea joyiga o‘t o‘chiruvchilar va qutqaruvchilar yetib keldi. Ular jami 22 oilani xavfsiz joyga ko‘chirib o‘tdilar. Rim prokurori voqea yuzidan jinoiy ish ochishni va geologik ekspertiza o‘tkazishni buyurdi. Ish yuzasidan joriy hudud egasi va shu yerda qurilish olib borgan kompaniya direktori tergov qilinmoqda.

Manba: https://uzreport.news/