Бугун пойтахтимизда жойлашган “M-Clinic” кўп тармоқли тиббиёт марказида
Бугун пойтахтимизда жойлашган “M-Clinic” кўп тармоқли тиббиёт марказида “Тиббиётнинг долзарб жиҳатлари: ташхислаш, даволаш, реабилитация ва самарали бошқарув” мавзусида халқаро илмий-амалий анжуман бўлиб ўтди.
Тадбирда Соғлиқни сақлаш вазирлиги масъуллари, ҳудудий тиббиёт муассасалари, тиббиёт олийгоҳлари вакиллари, юртимизнинг етакчи хирург, уролог, кардиолог, терапевтлари, шунингдек Германия, Швейцария, Корея, Россиядан ташриф буюрган олим ва экспертлар қатнашди.
Анжуманни соғлиқни сақлаш вазири А. Иноятов юртимиз тиббиёт тизимини ривожлантиришнинг устувор йўналишларига бағишланган тақдимоти билан очиб берди.
Қолаверса, тадбирда “M-Clinic” бош директори З. Мухамедов ва қатор халқаро экспертларнинг мавзу юзасидан маърузалари тингланди.
Шундан сўнг замонавий хирургия, терапия, кардиожарроҳлик, реабилитация, урология, нурли диагностика масалаларига бағишланган шўъба йиғилишлари ўтказилди.
Анжуман эртага ҳам ўз ишини давом эттиради.
{$ noItemsMessage $}