Para dzyudochimiz oltin medalni qo‘lga kiritdi

Paralimpiya o‘yinlarining 7-kungi dasturidan o‘rin olgan bahslar qatorida Para dzyudochilarimiz ham o‘z ishtirokini boshlashdi. 60 kg gacha bo‘lgan vazn toifasida tatamiga chiqqan vatandoshimiz Sherzod Namozov barcha raqiblarini birin ketin mag‘lubiyatga uchratdi. Chorak final bahsida Namozov ispaniyalik Luis Daniyelni 10:0 hisobida mag‘lub etib yarim finalga yo‘l olgandi. Finalga o‘tishda Sherzod yana xuddi shunday hisobda Janubiy Koreyalik Li Minjayni yengdi. Va nihoyat hal qiluvchi to‘qnashuvda yurtdoshimizga gruziyalik Zurab Zurabiani raqiblik qildi. Ancha qiyin kechgan final bellashuvida Namozov 1 ochko hisobiga barchasini hal qildi hamda paralimpiya o‘yinlarining ikki karra chempioniga aylandi